Bericht zum Schemeobed 2021

Wer hett au des denkt, daß des, wa de Hermle-Manfred vor e baar Johr bi siire Begrüßung zum Schemeobed im Münsterzenrum xait hett, so bald Realität werre sodd? Schemeobed 2.0…>>> dank Chinese-Virus hemmer des des Johr tatsächlich ghett.
Im Vorfeld henn sich zwei vu iis Gedanke gmacht, we mer so ebbis naabringt. S war dann zügig klar, daß mer des guet über e Online-Plattform realisiere kaa. Am 22. Jänner isch s dann sowiit gsi. Schlag achte isch de erscht digitale Schemeobed vum Manfred iiglitte worre, un mit eme kräftige „Juh hu hu“ us de Südstadt isch de Startschuß gfalle.
S isch scho Tradition, daß de Hoche-Karle d Vuanstaltung ebbl mit e baar Rabedizzle us de Villinger Vugangeheit aafangt. Des, wa seller ebbl hinne veri kroamt, isch erstaunlich, manchmol nit z glaube und mengmol sogar vurruckt. Karle, wa wäret mir ohne dini Biiträg us de historische Ziit vu Villinge – de Schemeobed wär z mindescht andersch un e weng Historismus in digitale Ziite isch gar nit s Schläetescht.
De Näschd het is e tolli Gschicht zuenere Merze-Scheme vuzellt, wo bi ihm i de Familie isch. Er het iis e weng Iiblick gäe i d 50er Johr, wo s no nit so oafach un selbstvuständlich gsi isch, daß der, wo hett welle i s Häs gau,  grad e so an e Scheme kunnt, wenn er ko oägeni het. So hemr teilhabe  kinne an ere scheene, fascht e weng emotionale Gschicht rund um e Narroscheme.
Noch ere kurze Überleitung vum Manfred het dann de Karle s Wort wieder griägt un d Biographie vum Robert Neukum zum Beschte gäe. Mir henn erfahre derfe, daß de Neukum e Richtung vorgäe het, wa de Suribl un s Murbili betrifft, wo ner i de 20er aagfange hett mit Scheme schnitze. Neukum, der fer sii Ziit en großgwasene Maa gsi isch, het sellmol en neue Typus a Scheme erschaffe, un mit siire Maskekunscht hett er de Nochwelt rund 100 Scheme hinterlau, die mer ebbl no a de Fasnet säenne kaa. Sini ußergwöhnlichscht Scheme, de Suribl mit Schloß, hanget im Franziskaner und isch Sinnbild gsi fer e Periode, wo sich de Narro nint hett welle vubiete lau. De Aalaß fer den Vortrag isch de 50. Todestag vum Nekum gsi, der anne ’71 hochbetagt vustorbe isch. Selbstvuständlich sin au e paar Foto mit Neukum-Scheme aguggt un diskutiert worre.
In ere anschließende Scheme-Roate-Runde het kinne jeder en Tipp abgäe, wa fer e Maske grad i d Kamera ghebbt worre isch. Un wer hett des denkt: s sin nit nu Schemeideale debi gsi, sondern au „Dilldappe und Heischrecke“. wa het mr is do demit adue!
Mit ere ähnlich tolle Gschicht zuenere wunderscheene Scheme hett dann de Manfred s Wort übernomme. Die Scheme, e Glatte vum Moser, isch vor 100 Johr im Riet gschnitzt worre, isch dann z Villinge uf de Gass gsi, isch dann lang an ere Kuchiwand ghanget und noch e baar Johr über Umweg un glückliche Umständ tatsächlich wieder gi Villinge kumme. Mir henn se derfe aagucke un sin erstaunt gsi, wa de Manfred so älles dezue gwisst hett.
No hemmer e Liveschaltung gi Brilinge gmacht, wo is de Elmar si Werkstatt zoäget hett. Schad, daß es no koä interaktivs Internet giit, denn s oäzig, wa no gfehlt hett, isch de Gschmack noch Farb un de Geruch noch Liim un Terpentin gsi. De Elmar hett iis vu ällem vuzellt, dass mer bim Ufbringe vum Liim bi de Liimtränki in ere stinkige Wolke stoht, well de Liim us Liimperle, hergschtellt us Knoche, un Wasser z ersch ufkocht werre mueß. De Doäle kaa s bi dere Ärbetsogar e weng drimmlig werre.
De Neschd, desmol wieder us de Südstadt, hett iis vuzellt, wie er vor viele Johr durch en glückliche Zuefall an en scheene Wiedel-Suribl kumme isch. Er hett en Tipp griägt, daß ebber Scheme vukaufe will, un so isch  er dert naa und hett sich des aaguckt. Die Liit henn xait, daß se scho e baar hergäe henn, jetzt sin nu no zwo wiäschte Ribbl do: nemmli zwei Suribl vum Wiedel. Er hett sich onni devu uusgsuecht und au die ander Schem‘ isch schließlich z Villinge blibbe un in gueti Händ kumme.
Erstaunliches hett is  de Folgende vuzellt. Durch pure Zuefall hett er e ugfasste Scheme kriege kinne, die imene Huus johrelang iigmottet gsi isch. Bim nähere Aagucke isch ihm ufgfalle, daß des nu  e Glatte vum Wiedel sii kaa. Mir henn des toll Stickli aagucke derfe und henn iis gfreut, daß de neu Besitzer so e scheene Scheme hett kriege kinne.
Isern Harald hett ebbis Bsunders vorbereitet ghett, nemmli e Fasnetgedicht. Er hett iis in Reimform mit uf e Zeitreise gnomme i si Kindheit, wo z Willerschbach am Schmotzige Dunnschdig no de Bär, de Triiber un d Dominos gloffe sind. Wa de Harald sellmol so älles vulebbt hett als Kind, hett er iis zemmedichtet. Dodezue hett er zwo alti Bilder zoäget, uf dene mer de Willerschbacher Bär und d Dominos gsäenne hett. Am Schluß vu sim Gedicht hett er iis no ufbaue un motiviere welle, idem er en kurze Uusblick gäe hett uf die näschd Fasnet 2022, die hoffentlich ohne Coronamaßnahme stattfinde wird.
Zwei Jungnarros henn iis vuzellt, wie ihre erschte Berührunge mit de Villinger Fasnet gsi sin. De oä hett vuzellt, wiener zunere Moser-Scheme kumme isch und  daß er dodemit e richtige Freud hett. De ander hett iis en Iiblick gäe i si Gfühlslebbe, we er sich als Narro fühlt, wenner im Häs isch. Beide Biiträg sin sehr persönlich gsi.
Am Schluß vum Schemeobed hett de Manfred nomol s Wort übernomme und iis ällene no en scheene Reschtobed gwünscht un, trotz ällem, e scheene Fasnet.
De Schemeobed 2.0 / 2021 hemmer tatsächlich uf de Wäg broacht, obwohl iis ällene im Vorfeld klar gsi isch, daß e digitale Vuanstaltung niä an e Saalvuanstaltung mit ufmerksame Gäscht im Publikum naakumme wird. Denno hemmer des gmacht, un des isch au guet so.
Un wenn au des ganz Ding e oägenes, villiicht au e weng befremdliches Flair ghett het, hoffe mer, daß en Schemeobed in digitaler Form e  einmalige Sach bliibt.

Juh hu hu !